Yunanıstanda qatarın toqquşması nəticəsində 32 nəfər ölüb. Elchi.az xəbər verir ki, bu sayda qurbanın adını Yunanıstanın ERT telekanalının efirində ölkənin yanğınsöndürmə xidmətinin nümayəndəsi Vassilis Vartakoyannis deyib.
Onun sözlərinə görə, hadisə nəticəsində 85 nəfər xəsarət alıb, onlardan 25-nin vəziyyəti ağırdır, daha 53 nəfər isə xəstəxanadadır. Yerli hakimiyyət orqanlarının qatarın toqquşmasının səbəblərini araşdırdığı bildirilir.
Yunanıstanın Tempi şəhərindəki Evangelismos stansiyasında gecə yarısı yük və sərnişin qatarlarının toqquşması baş verib. Sərnişin qatarı saat 19:22-də yola düşüb və Saloniki-Larisa marşrutu üzrə hərəkət edib. Toqquşma nəticəsində yanğın baş verib. Hadisə yerinə 30 təcili yardım maşını gəlib. Zərərçəkənlər Universitetinin xəstəxanasına yerləşdirilib. Afina və Saloniki hərbi xəstəxanaları yaralıları qəbul etmək zərurəti yarandığı halda hazır vəziyyətdədir.
Havar Şəfiyeva
