ABŞ Ukraynaya qaz tədarükü üçün bir anda iki layihəni həyata keçirməyə hazırdır.
Elchi.az xəbər verir ki, bunu Amerikanın “Sustainable Solutions” şirkətinin baş direktoru Emil Penya deyib.
“Şirkət layihələri elan edib və artıq Estoniya sahillərində yerləşdirilməsi planlaşdırılan maye qazın qəbulu üçün üzən terminalın icarəyə verilməsi ilə bağlı müqavilə imzalayıb. Bizim bu terminala xidmət edəcək mayeləşdirilmiş qazın daşınması üçün iki tankerimiz var. Biz bu layihəni oktyabr ayına qədər işə salmağa hazırıq”, – o bildirib.
Penyanın sözlərinə görə, “Naftoqaz” rəhbərliyi müvafiq danışıqlar aparmaq üçün gələn həftə Hyustona gələcək:
“İkinci layihə daha tez – yaxın bir neçə ay ərzində işə salına bilər. Şirkət AB və Ukraynada bütün lazımi icazələri almağı planlaşdırır. Əlbəttə, bu, Ukraynanın qazla bağlı bütün problemlərini həll etməyəcək. Lakin bu, qaz tədarükünün şaxələndirilməsinə, Ukraynanın enerji təhlükəsizliyinin artırılmasına imkan verəcək”.
