Kasem ən azı iki ay daha həbsdə qalacaq.
Elchi.az xəbər verir ki, Latviyanın Riqa məhkəməsi Sputnik Litva-nın baş redaktoru Marat Kasemi həbsdə saxlamağa qərar verib. Sputnik Litva Teleqram kanalında jurnalistin həmkarlarının verdiyi məlumata görə, o, ən azı daha iki ay həbsdə qalacaq.
Jurnalistlərin sözlərinə görə, Kasem daha iki ay Riqanın mərkəzi həbsxanasında qalacaq və bundan sonra onun apellyasiya şikayəti vermək imkanı olacaq. Jurnalist Riqaya 2022-ci il dekabrın sonunda gəlib və artıq yanvarın əvvəlində yerli təhlükəsizlik qüvvələri tərəfindən saxlanılıb. Latviya xüsusi xidmət orqanlarının açıqlamalarına görə, baş redaktor Rusiyanın xeyrinə casusluq etməkdə, eləcə də sanksiyaları pozmaqda ittiham olunur.
Marat Kasem-in həmkarları da baş redaktorun həbsini “Baltikyanı rus jurnalistlərə qarşı cinayət təqibi kampaniyası” adlandıraraq, hər vasitə ilə onun azadlığa buraxılmasına çalışacaqlarını bildiriblər.
Şayəstə
