Müxalifət tərəfdarları Moldovanın şimalında magistral yolu bağlayıblar.
Elchi.az xəbər verir ki, bu barədə “RİA Novosti” məlumat yayıb.
Məlumata görə, etirazçılar “Şor” partiyasının Kişinyovda təşkil etdiyi mitinqə yollanıblar. Lakin polis yolda onların olduğu avtobusların qarşısını kəsib.
Etirazçılar yolu kəsərək polisin onların mitinqə qatılmasına icazə verməsini tələb ediblər.
“Şor” partiyasından bildirilib ki, etirazçıları daşıyan 14 avtobus geri qaytarılıb.
***
Kişinyovda keçirilən mitinq zamanı etirazçılar polis kordonunu yarıblar.
Buna baxmayaraq, etirazçılar paytaxtın Mərkəzi meydanı və Hökumət Evinə tərəf irəliləyə bilməyiblər. Onların qarşısını polisin ikinci kordonu kəsib.
