Bakı şəhərinin bir neçə rayon polis idarəsinin əməkdaşları paytaxtda profilaktik tədbirlər keçiriblər.
Bakı şəhər Baş Polis İdarəsindən ANS PRESS-ə verilən məlumata görə, paytaxt ərazisində avaralıq və dilənçilik həyat tərzi keçirən 3 kişi, 8 qadın, 9 azyaşlı saxlanılıb.
Onlarla fərdi söhbətlər aparılıb. Bir çoxu barəsində inzibati qaydada protokol tərtib olunub.
Həmin şəxslərin qeydiyyatda olduqları rayonlara göndərilməsi təmin edilib.
Paytaxtda dilənçilərə qarşı əməliyyatlar davam edir.
