ABŞ Avstraliyaya 220-yə qədər “Tomaqavk” raketinin satışını təsdiqlədiyini açıqlayıb.
Elchi.az xəbər verir ki, ABŞ Dövlət Departamentindən verilən yazılı açıqlamada, Avstraliyanın Qərbi Sakit Okean bölgəsindəki ən mühüm müttəfiqlərindən biri olduğu və raket satışına dair razılaşmanın Birləşmiş Millətlər Təşkilatının xarici siyasət və milli təhlükəsizlik hədəflərini dəstəkləyəcəyi ifadə edilib.
Açıqlamada, AUKUS müqaviləsi çərçivəsində alınması planlaşdırılan Virciniya sinifli sualtı qayıqlardan “Tomahawk” raketlərinin atılacağı bildirilib.
Arizonada yerləşən Amerika şirkəti “Raytheon” ilə təqribən 900 milyon dollar dəyərində 220 raket alqı-satqısı müqaviləsinin imzalanması gözlənilir.
Avstraliyanın müdafiə naziri Riçard Marles ABŞ ilə sıx əməkdaşlıq etdiklərini və uzunmənzilli hücum raketlərinə sahib olmanın ölkələrinin hərbi qabiliyyəti üçün vacib olduğunu bildirib.
Qeyd edək ki, Avstraliya Böyük Britaniyadan sonra ABŞ-dan “Tomahawk” raketləri alan ikinci ölkədir.
Yeganə
