Gürcüstan üçün yeni il siyasi qalmaqalla başlayıb. Avropa.info xəbər verir ki, Moskvada yaşayan biznesmen David Yakobaşviliyə 
məxsus “Petrocas Energy Group” neft şirkəti Rusiyanın “Rosneft” şirkəti ilə müqavilə bağlayıb.
məxsus “Petrocas Energy Group” neft şirkəti Rusiyanın “Rosneft” şirkəti ilə müqavilə bağlayıb.Müqavilə şərtlərinə görə “Rosneft” “Petrocas”ın səhmlərinin 49%-i satın alıb. Gürcüstan şirkəti “Petrocas” Poti limanında strateji neft terminalına nəzarət edir.
Bu anlaşma gürcü müxalifətini özündən çıxarıb. Onlar dərhal ölkə rəhbərliyindən bu müqaviləni ləğv etməyə çağırıblar. Müxalifət iddia edir ki, “Rosneft” işğal olunmuş Abxaziyada aktiv fəaliyyət göstərir. Bu isə Gürcüstanın “İşğal olunmuş ərazilər” haqda qanunun kobud şəkildə pozur.
Eyni zamanda Gürcüstan hakimiyyəti Moskva ilə münasibətləri pozmaqdan qorxaraq, qəti addımlar atmağa tələsmir.
Saakaşvilinin “Vahid milli hərəkat” partiyası müqavilənin dərhal ləğv olunmasına çağırır.
Gürcü ekspertlərin hamısı əmindir ki, Kremlin razılığı olmadanheç kəs bu addımı ata bilməz. Ermənistanın Avrasiya İttifaqına üzvlüyündən sonra Rusiya Ermənistanla kommunikasiya vasitələri axtarır. Neft terminalının səhmlərinin alınması Gürcüstana təsir imkanlarının artırılması kimi başa düşülür.
