ABŞ Hərbi Hava Qüvvələrinin katibi Frank Kendall bildirib ki, Amerikanın havadan buraxılan hipersəs raketinin son sınaqları uğurlu olmayıb.Elchi.az RİA Novosti-yə istinadən xəbər verir.
ABŞ Konqresinin Senatının Silahlı Qüvvələr Komitəsində keçirilən dinləmələrdə o, “Testlərdən lazım olan məlumatları əldə etmədik” dedi. Martın 25-də ABŞ Hərbi Hava Qüvvələri bundan əvvəl AGM-183A hipersəs raketinin prototipini sınaqdan keçirdiyini açıqlayıb. Qeyd edilir ki, sınaqlar bu hipersəs raketin prototipinin ikinci buraxılışı olub. Buraxılış ABŞ-ın Kaliforniya ştatının cənub hissəsinin sahillərində B-52H Stratofortress bombardmançı təyyarəsi tərəfindən həyata keçirilib.
Bundan əvvəl Pentaqonun Kəşfiyyat İdarəsinin analitik departamentinin baş elmi işçisi Pol Freistler Çinin hipersəs silahlarının inkişafında Rusiyanı qabaqladığını, həmçinin ABŞ hərbi hədəflərini vura bilən silahlar yerləşdirə biləcəyini demişdi.
Havar Şəfiyeva
