Sabiq deputat Gültəkin Hacıbəyli yenidən məhkəməyə müraciət edərək oğlunun atası Mahmud Mehdiyevlə görüşünün məhdudlaşdırılmasına dair iddia verib.
Bu barədə virtualaz.org saytına Mahmud Mehdiyev məlumat verib.
M.Mehdiyev bildirib ki, G.Hacıbəyli Nəsimi Rayon Məhkəməsinə “Uşağın 10 yaşının tamam olması ilə əlaqədar uşağın da fikrini nəzərə almaqla atası Mahmud Mehdiyevlə görüş qaydalarının dəyişməsinə dair” iddia təqdim edib.
Hakim Pərviz Hüseynovun sədrliyi ilə keçirilən məhkəmə prosesində Nəsimi Rayon İcra Hakimiyyətinin nəzdindəki qəyyumluq və himayəçilik komissiyasının rəy də dinlənilib.
Hakim atanın uşaqla ünsiyyət hüquqlarını nəzərə alaraq sabiq deputatın iddiasını təmin etməyib.
