İranın Ədliyyə Başçısı Qulam Hüseyn Muhsini Ejei məcburi hicab qaydasını pozanların cəzalandırılacağını bildirib.
Elchi.az xəbər verir ki, Fars Xəbər Agentliyinin məlumatına görə, İsfahan vilayətində keçirilən toplantıda çıxış edən Ejei ölkədəki bəzi qadınları məcburi hicab qaydasını pozduqlarına görə tənqid edib.
Hicab qaydasını pozmağın ölkəyə düşmənçiliyə bərabər olduğunu deyən Ejei bildirib:
“Bu günahkarların müəyyən edilərək saxlanılması halında məhkəmə sistemi məsələ ilə xüsusi bir şəkildə məşğul olacaq”.
Ejei bu məsələdə kimin əli olmasından asılı olmayaraq, heç bir dözümsüzlük göstərmədən mühakimə olunacağını və qətiyyətlə cəzalandırılacağını bildirib.
İran Daxili İşlər Nazirliyi də dünən məcburi hicab qanununa qarşı davranışları hədəf alan bəyanat yayıb.
Nazirlikdən bildirilib ki, qanunu pozan şəxslərlə ədliyyə və digər aidiyyəti qurumlar müvafiq tədbirlər görəcək və qanun pozuntularına yol verməyəcək.
Yeganə
