Rusiya Finlandiyanın NATO-ya daxil olması ilə bağlı cavab tədbirləri görməyə məcbur olacaq.
Elchi.az xəbər verir ki, Finlandiyanın NATO-ya daxil olması ilə əlaqədar Rusiya Federasiyası cavab tədbirləri görəcək. Bu barədə ölkənin Xarici İşlər Nazirliyi məlumat yayıb.
Belə ki, Finlandiyanın alyansa daxil olması ilə əlaqədar Rusiya təhdidlərin qarşısını almaq üçün hərbi-texniki və digər tədbirlərlə cavab verməyə məcbur olacaq.
Nazirlik eyni zamanda qeyd edib ki, üzvlüklə bağlı nəticələr Finlandiya ilə Rusiya arasında münasibətlərə mənfi təsir göstərməyə bilməz.
“Finlandiya NATO-nun üzvü olan kiçik, qərarsız ölkələrdən birinə çevrilib və eyni zamanda beynəlxalq məsələlərdə xüsusi sözünü itirib. Bu qərarla ölkə nəhayət öz müstəqilliyindən və öz kimliyindən üz döndərdi”, – XİN-dən bildiriblər.
Xatırladaq ki, aprelin 4-də Finlandiya rəsmi olaraq Şimali Atlantika Alyansına üzv olub.
Şayəstə
