Ermənistanın baş naziri Nikol Paşinyana çətir atan qadın həbs edilib.
Elchi.az NEWS.am-a istinadən xəbər verir ki, bu barədə İstintaq Komitəsinin yaydığı məlumatda bildirilir.
“2023-cü il aprelin 10-da Ermənistanın baş nazirinin Vayots Dzor vilayətinin Yeqqnadzor icmasının Malışka qəsəbəsinə səfəri zamanı saat 13:15 radələrində 47 yaşlı qadın yeni tikilmiş 8, 14 və 1 saylı yolların kəsişməsinə yaxınlaşıb.
Sonuncu polis əməkdaşlarının dəfələrlə irəli sürdüyü qanuni tələblərə tabe olmayaraq və onların nəsihətlərinə məhəl qoymayaraq, saat 14:40 radələrində Malışka qəsəbəsindəki fərdi yaşayış evlərindən birinin həyətində Paşinyanın qanuni rəsmi fəaliyyətinə mane olmaq məqsədilə Nazir Nikol Paşinyana qarşı zorakılıq tətbiq etməyə çalışıb, yəni yağış paltarını bilərəkdən baş nazirin tərəfinə atıb.
İstintaq orqanı tərəfindən bilavasitə qaldırılan əsaslı şübhənin mövcudluğu əsasında adıçəkilən şəxs tutularaq prosesi aparan orqana təqdim edilib.
Faktla bağlı ER İstintaq Komitəsinin Vayots Dzor Marz İstintaq İdarəsində ER Cinayət Məcəlləsinin 44-452-ci maddəsinin 3-cü hissəsinin əlamətləri ilə cinayət işi başlanılıb.
İlkin araşdırmalara başlanılıb, onun çərçivəsində hadisənin baş vermə şəraiti aydınlaşdırılır”, – məlumatda deyilir.
Yeganə
