Səbəbi hələ müəyyən edilməmiş xəstəlik səbəbindən Keniyada 4 nəfərin öldüyü bildirilib.
Elchi.az Keniya Səhiyyə Nazirliyinin açıqlamasına istinadən xəbər verir ki,epidemiya ölkənin Kakameqa bölgəsində baş verib. Açıqlamada hələ aşkarlanmayan xəstəlikdən 4 nəfərin öldüyü paylaşılıb.
Açıqlamada dünəndən bu yana 627 nəfərin epidemiyaya məruz qaldığı, bu şəxslərin 7 ayrı sağlamlıq mərkəzində müalicə olunduğu bildirilib.
Açıqlamada xəstəliyin qızdırma, qarın ağrısı, qusma və ishal kimi əlamətlərinin olduğu bildirilib.
Epidemiyaya görə iki məktəbdə tədris dayandırılarkən, xəstəliklə bağlı araşdırmaların davam etdiyi qeyd edilib.
Nuranə Məmmədova
