Rusiya Prezidenti Vladimir Putin Xerson istiqamətində “Dnepr” qoşun qrupunun qərargahına və qondarma “lxr”in “milli qvardiya”sının “Şərq” qrupunun qərargahlarına baş çəkib.
Elchi.az xəbər verir ki, bu barədə Rusiya Prezidentinin mətbuat xidməti məlumat yayıb.
“Vladimir Putin “Dnepr” qoşun qrupunun Xerson vilayətindəki qərargahında Hərbi Hava Qüvvələrinin komandanı, general-polkovnik Mixail Teplinski, “Dnepr” qoşunlar qrupunun komandanı, general-polkovnik Oleq Makareviç və digərlərinin məruzələrini dinləyib. Putin hərbçilərdən Xerson və Zaporojye istiqamətlərində vəziyyətlə bağlı fikirlərini bildirməyi və məlumat mübadiləsi aparmağı xahiş edib”, – məlumatda deyilib.
