Bolqarıstan hökuməti yaxın vaxtlarda Ukrayna taxılının idxalına qadağa qoymağa qərar verəcək. Elchi.az xəbər verir ki, bunu Bolqarıstanın Baş naziri Gylib Donev BTV kanalının efirində bildirib.
“Ukraynadan gələn əhəmiyyətli miqdarda ərzaq ölkədə qaldı, əsas istehsal və ticarət şəbəkələrini pozdu, Bolqarıstan biznesinə ciddi ziyan vurdu” deyən baş nazir, məhdudlaşdırıcı tədbirlərin “Bolqarıstandan üçüncü ölkələrə gedən mallara şamil edilməyəcəyini” söyləyib.
Qeyd edək ki, aprelin 15-də Macarıstan Ukraynada istehsal olunan və ya oradan gələn taxıl, yağlı bitkilər və bir sıra digər kənd təsərrüfatı məhsullarının idxalına qadağa qoyub.
Bundan əvvəl də oxşar qərar Polşa hakimiyyət orqanları tərəfindən verilmişdi. Bir gün əvvəl Slovakiyanın Kənd Təsərrüfatı Nazirliyi də Ukraynadan gələn taxılın emalı və satışına qadağa qoyub – buna səbəb Ukrayna buğdasında aşkar edilən və insan sağlamlığına mənfi təsir göstərə bilən pestisidlər olub.
Havar Şəfiyeva
