İsveçrə məhkəməsi milyonçunu məyus etdi
“BBC” radiosunun yaydığı xəbərdə deyilir ki, isveçrəli milyonçu maşını nəzərdə tutulduğundan daha sürətlə idarə etdiyinə görə 290 min dollar cərimə ödəməli olacaq.
Adı açıqlanmayan milyonçu “Ferrari Testarossa” markalı avtomobillə Sant Qalendəki kəndarası yolda sürət həddini aşıb. Yerli standartlara görə, kəndarası yollarda sürət limiti saatda 80 km.dir. Ancaq milyonçu qaydanı pozaraq saatda 137 km. sürətlə hərəkət edib.
Sürət həddini aşdığına görə, məhkəmənin qərarı çox sərt olub. Bu, İsveçrə tarixində sürət hədini aşmağa görə ən yüksək cərimə hesab olunur.
“BBC” yazır ki, 2008-ci ildə Sürix şəhərində “Porsche”ni idarə edən şəxs bu cərimənin yarısını ödəmişdi. Beləliklə sürətə görə 150 min dollarlıq cərimə rekordu 2 dəfə artırılıb.
İsveçrə mediası yazır ki, sürətə görə 249 min dollar cərimə olunan milyonçunun villasında dünyanın ən bahalı 5 avtomobili sıralanıb. “FerrariTestarossa” da onlardan biridir.
