Cənubi Koreyadan Ukraynaya mümkün silah tədarükü ölkənin qismən ABŞ-dan asılılığı ilə izah olunur.
Elchi.az xəbər verir ki, bunu rusiyalı politoloq Sergey Markov deyib.
“Cənubi Koreyada güclü Amerika qoşunlarının və ABŞ nüvə silahlarının yerləşdirilməsinə gəlincə, Seul Vaşinqtonun “vassalı” və “sinif tərəfdaşıdır”. Ona görə də kiçik vassal kimi Amerika hakimiyyətinə xərac verməyə məcburdur. Təhlükəsizlik baxımından Cənubi Koreya Şimali Koreya ilə potensial müharibə təhlükəsində olduğu üçün ABŞ-dan asılıdır. Seulun bütün siyasi partiyaları bu və ya digər dərəcədə Vaşinqtonun nəzarətindədir”, – o bildirib.
Qeyd edək ki, bundan əvvəl Cənubi Koreya Prezidenti Yun Sok Yul ölkəsinin Ukraynaya silah tədarük edəcəyini istisna etməyib.
