Artıq əhalisinin sayına görə dünyanın ən böyük ölkəsi Çin deyil.
Birləşmiş Millətlər Təşkilatı Hindistanın bu həftənin sonuna qədər Çini geridə qoyaraq dünyanın ən çox əhalisi olan ölkəsi olacağını bildirib.
Elchi.az BMT-nin məlumatına istinadən xəbər verir ki, ,Hindistan əhalisinin aprel ayının sonuna kimi 1 milyard 425 milyon 775 min 850 nəfərə çatacağı gözlənilir.
Keçən həftə fərqli bir BMT komandası Hindistanın bu ilin ortalarına qədər Çini keçəcəyini proqnozlaşdırmışdı.
BMT-nin İqtisadi və Sosial Məsələlər Departamentinin bəyanatında deyilir: “Çin tezliklə dünyanın ən sıx məskunlaşdığı ölkə kimi uzun müddət saxladığı statusunu itirəcək”.
BMT-nin Əhali Fondu keçən həftə bildirib ki, Hindistan 2023-cü ilin ortalarına qədər Çindən 2,9 milyon daha çox əhaliyə sahib olacaq.
Nuranə Məmmədova
