Elchi.az xarici KİV-ə istinadən xəbər verir ki,ABŞ-dakı bank böhranını çətinliklə saxlayan bazar tənzimləyiciləri iflas riski ilə üzləşən “First Republic Bank”-ı ələ keçirdilər. Bank və onun bütün aktivləri maliyyə nəhəngi JP Morgan Chase tərəfindən alınıb.
Bank böhranının ağrılarının hələ də təzə olduğu ABŞ-da mümkün yeni böhrana qarşı tədbirlər görülüb. Bazar tənzimləyiciləri müflis olmaq riski altında olan “First Republic Bank”-ı ələ keçirdilər.
Federal Əmanətlərin Sığortalanması Korporasiyası 84 filialı olan bankın maliyyə nəhəngi JPMorgan Chase-ə satıldığını açıqlayıb.
Bank filiallarının normal fəaliyyət göstərəcəyini bildirən qurum əmanətçilərin bütün əmanətlərinə çıxış əldə edəcəyinə zəmanət verib.
ABŞ-ın 14-cü ən böyük bankı olan “First Republic Bank”-ın 229 milyard dollar aktivi və 104 milyard dollar depoziti olduğu açıqlanıb. Bu faizin böyük hissəsinin sığortasız olması aşağı faizlərlə birlikdə bankın səhmlərinin 70 faizə qədər azalmasına səbəb olaraq investorda iflas panikasına səbəb olub.
“First Republic Bank”ABŞ tarixində iki ay ərzində iflasa uğrayan üçüncü orta ölçülü bank oldu. Bundan əvvəl Silikon Vadisi və İmza Bankları müflis oldu və ABŞ-da bank böhranına səbəb oldu. Böhrandan əziyyət çəkən Avropada dünyanın ən məşhur investisiya banklarından biri olan Credit Suisse iflas etdi və böhranın böyüməsinin qarşısını almaq üçün rəqibi UBS tərəfindən satın alındı.
Nuranə Məmmədova
