Ukrayna prezidenti Vladimir Zelenskinin mayın 13-14-də Almaniyaya səfər edəcəyi bildirilir.
Elchi.az Almaniya mətbuatına istinadən xəbər verir ki,Zelenski mayın 14-də Berlinə səfər edəcək.
“Tagesspiegel” yazır ki, Zelenskiy Berlin hava limanının hərbi hissəsinə endikdən sonra “Ritz-Carlton” otelində qalacaq.
Səfərlə əlaqədar olaraq otelin yerləşdiyi Potsdamer Platz ətrafında ən yüksək səviyyədə təhlükəsizlik tətbiq olunacaq.
Mayın 14-də Zelenski Almaniya kansleri Olaf Şolz tərəfindən hərbi şərəflə qarşılanacaq.
İki lider görüşdən sonra birgə mətbuat konfransı keçirəcək.
Zelenski prezident Frank-Valter Ştaynmayerlə görüşdükdən sonra helikopterlə Aaxenə yola düşəcək və orada Beynəlxalq Böyük Karl Mükafatına layiq görüləcək.
Nuranə Məmmədova
