Berlin polisi Ukrayna Prezidenti Vladimir Zelenskinin Almaniya paytaxtına gözlənilən səfərinin təfərrüatının mətbuata sızmasından sonra araşdırmaya başlayıb.
Elchi.az xəbər verir ki, bu barədə “Politiko” nəşri məluma dərc edib.
Berlin polisi yalnız səfərə hazırlığın davam etdiyini təsdiqlədiklərini və dövlət səfərinə təhlükə yarada biləcək heç bir məlumat vermədiklərini bildirib. Berlin polisi bu pozuntunu araşdırır və məsələ ilə bağlı araşdırmaya başlayıb.
Qeyd edək ki, Berlin polisinin sözçüsü səfərin baş tutacağını təsdiqlədikdən sonra Zelenskinin səfəri ictimaiyyətə məlum olub və bu xəbərlərin yerli və xarici KİV-lər tərəfindən işıqlandırılmasına səbəb olub.
Ukrayna isə məsələyə təhlükəsizlik baxımından sərt reaksiya verib və səfərin təxirə salına biləcəyi vurğulanıb.
