Hazırda Ukrayna Silahlı Qüvvələrinin hücumu üçün əlverişli şərait yoxdur. Elchi.az xəbər verir ki, bunu Bundesverin baş müfəttişi Karsten Broer bildirib.
“Yer hələ də bataqlıq və nəmdir. Bəzi yerlərdə hələ də tarlalarda böyük göllər var. Son həftələrdə genişmiqyaslı hücum üçün heç bir şərait yoxdur” deyə o bildirib.
Broerin sözlərinə görə, eyni zamanda, danışıqlar zamanı Kiyevin hücuma başlamaq planları təsdiqlənib.
Bundan əvvəl Ukrayna qoşunlarının ali baş komandanı Valeri Zalujnı Broerin Ukraynaya səfər etdiyini bildirmişdi. Onun sözlərinə görə, Bundesver nümayəndəsinə Ukrayna ordusunun hazırlığı barədə məlumat verilib, həmçinin cəbhə xəttindəki vəziyyəti təsvir edib.
Qeyd edək ki, Rusiya hərbi müxbirləri Ukrayna Silahlı Qüvvələrinin hücumunun təxirə salınmasının mümkünlüyü barədə məlumat yayıblar. Onların fikrincə, daha gec bir tarixə təxirə salına bilər, belə bir qərarın səbəbləri barədə məlumat verilmir.
Havar Şəfiyeva
