Ermənistanın “İravunk” qəzeti yazır: “Avropa İttifaqı Şurasının prezidenti Şarl Mişelin vasitəçiliyi ilə mayın 14-də Brüsseldə Ermənistanın baş naziri Nikol Paşinyan və Azərbaycan Prezidenti İlham Əliyevin görüşü baş tutacaq. Yəqin ki, bu, Paşinyanla Əliyev arasında yekun razılaşma, konkret sənəd üzrə sondan əvvəlki görüş olacaq, ən azı iyunun 1-də Avropa Siyasi Birliyinin sammiti çərçivəsində Kişinyovda keçirilməsi planlaşdırılan görüş zamanı yekun sənəd imzalamaq istəyirlər”.
Elchi.az News.am-a istinadən bildirir ki, “İravunk”un məlumatına görə, Brüssel görüşündən əvvəl Nikol Paşinyanın, ilk növbədə, diasporla bağlı müəyyən qorxuları var.
Qəzetdə qeyd olunub ki, Paşinyanın Azərbaycanla “sülh”ü bağlamaq gündəmi ilə Brüsselə səfəri, şübhəsiz ki, diasporadan yan keçməyəcək və sürprizlər az olmayacaq.
Yeganə
