“Yüksək formatında görüşlərin yenidən başlanılması mühüm bir hadisədir. Çünki bu görüşlər sülhün və təhlükəsizliyinin daha da möhkəmlənməsinə xidmət eləyir. Digər tərəfdən görüşdə sülh müqavilələlərin imzalanması iqtisadi və nəqliyyat əlaqələrin bərpası, sərhədlərin demokratiyası, mina terroruna son qoyulması və itkin düşmüş şəxslərin aqibətinin müəyyənləşdirilməsi müzakirə olundu”. Elchi.az xəbər verir ki, bunu Faktmedia.az-a açıqlamasında politoloq İlyas Hüseynov deyib.
O, açıqlamasında həmçinin əlavə edib:
“Artıq Ermənistan Azərbaycanın ərazi bütövlüyünü tanımaqla yanaşı rəqəmlərdə tanınmasının şahidi olduq. Eyni zamnda Laçın yolu üzərində gömrük postunun qurulmasında artıq heç bir narazılıq bildirilmir. Onu da qeyd edək ki, Brüssel formatı öz effektivliyi ilə seçilir”.
Qeyd edək ki, mayın 14-də Avropa İttifaqı Şurasının Prezidenti Şarl Mişelin iştirakı ilə Brüsseldə Azərbaycan Respublikasının Prezidenti İlham Əliyev və Ermənistan Respublikasının baş naziri Nikol Paşinyan arasında görüş keçirilib. Şarl Mişel tərəflərin müxtəlif məsələlərdə razılıqla bağlı irəliləyiş əldə etdiklərini, Aİ-nin bu müzakirələrdən məmnun qaldığını vurğulayıb. Aİ Şurasının prezidentinin açıqlamalarında nəqliyyat dəhlizinin açılması, iqtisadi əlaqələrin qurulması, humanitar məsələlərin həllinə vurğu edildiyi göstərilir.
Havar Şəfiyeva
