Çinin yüksək rəhbərliyi Rusiya ilə enerji, ticarət və investisiya sahələrində əməkdaşlığı gücləndirmək və genişləndirmək öhdəliyinə sadiqdir.
Elchi.az Smotrim.ru-ya istinadən bildirir ki, bu fikirləri Çin sədri Si Cinpin çərşənbə günü Rusiyanın baş naziri Mixail Mişustinlə görüşündə bildirib.
Mişustin Çin Dövlət Şurasının baş naziri Li Çianqla görüşündə Çin və Rusiya arasında münasibətlərin yüksək səviyyədə olduğunu deyib.
“Rusiya Prezidenti Vladimir Putin və ÇXR sədrinin qəbul etdiyi qərarlar səkkiz prioritet sahə üzrə əməkdaşlığın qurulması üçün strateji istiqamətlər müəyyən edib. Ən yüksək səviyyədə əldə olunmuş razılaşmaların həyata keçirilməsi üçün Rusiya və Çin hökumətləri vasitəsilə əlaqələndirilmiş işlərə başlanılıb”, – deyə Mişustin bildirib. .
Onun sözlərinə görə, Rusiya və Çin bir-birinin maraqlarına qarşılıqlı hörmətlə yanaşır, beynəlxalq arenada artan təlatüm və kollektiv Qərbin qeyri-qanuni sanksiyaları ilə bağlı yeni çağırışlara birgə cavab verməyə çalışır.
Mişustin bu ilin martında Vladimir Putin və Si Cinpin arasında əldə edilmiş bütün razılaşmaların yerinə yetirilməsi üçün ölkələrin hökumətləri vasitəsilə səmərəli işin təşkilini əsas vəzifələrdən biri adlandırıb.
Çin prezidenti Si Cinpin cavab olaraq bildirib ki, Çin iki ölkənin fundamental maraqlarına aid məsələlərdə Rusiya ilə möhkəm əlaqələrə davam etməyə hazırdır. Üstəlik, əməkdaşlıq təkcə ikitərəfli münasibətlərdə deyil, həm də BMT, ŞƏT, BRİKS və G20 kimi beynəlxalq platformalarda inkişaf edəcək.
Yeganə
