NATO-nun baş katibi Yens Stoltenberq Priştinanı birtərəfli tədbirlər görməməyə və Serb əhalisi ilə toqquşmalardan sonra qismən tanınan Kosovoda vəziyyətin yumşaldılmasına kömək etməyə çağırıb.
Elchi.az Mk.ru-ya istinadən xəbər verir ki, bu barədə “RT” kanalı məlumat yayıb.
Stoltenberqin sözlərinə görə, Kosovo hakimiyyəti eskalasiya səviyyəsini aşağı salmalı və birtərəfli sabitliyi pozan addımlar atmamalıdır. Belə ki, o, sosial şəbəkədəki səhifəsində bu barədə yazıb.
Xatırladaq ki, bundan əvvəl Serbiya prezidenti Aleksandr Vuçiç Priştinanın birtərəfli hərəkətləri səbəbindən Kosovo və Metoxiyadakı vəziyyətlə əlaqədar Serbiya ordusunu maksimum döyüş hazırlığı vəziyyətinə gətirib. Serbiyanın müdafiə naziri Miloş Vuçeviç Kosovoda silahlı münaqişə riski barədə xəbərdarlıq edib.
Yeganə
