Amerika lideri Co Bayden Rəcəb Tayyib Ərdoğanı yenidən Türkiyə prezidenti seçilməsi münasibətilə telefonla təbrik edib. Elchi.az xəbər verir ki, Türkiyə liderinin ofisindən verilən məlumata görə, dövlət başçıları əməkdaşlığı inkişaf etdirmək barədə razılığa gəliblər.
“ABŞ prezidenti Bayden prezident Ərdoğanı seçki uğuru münasibətilə təbrik edib və seçki nəticələrinin türk xalqı üçün əlverişli olmasını arzulayıb”, – deyə məlumatda bildirilir.
Təbriklərə Rusiya prezidenti Vladimir Putin də qoşulub. O, Ərdoğanın Rusiya-Türkiyə münasibətlərinin konstruktiv və qarşılıqlı faydalı şəkildə inkişafına böyük töhfə verdiyini vurğulayıb. Cavabında türkiyəli siyasətçi bütün cari gündəm üzrə gələcək birgə işə sadiqliyini təsdiqləyib.
Havar Şəfiyeva
