İran Xarici İşlər Nazirliyinin Fars körfəzi ölkələri üzrə baş direktoru Əlireza Enayəti gələcəkdə İran, Oman, Türkmənistan və Özbəkistan arasında dəhlizin işə salınacağını açıqlayıb.
Elchi.az News.am-a istinadən bildirir ki, bu barədə İranın “Mehr” agentliyi xəbər verir.
Enayəti Oman sultanı Heysam ibn Tariq əl-Səydin Tehrana son səfərinə toxunaraq deyib:
“İran və Oman arasında ticarət dövriyyəsinin həcmi keçən il 2 milyard dollar artıb. Hər iki ölkə arasında nəqliyyat və naviqasiya sahəsində də irəliləyiş qeydə alınıb”.
Enayətinin sözlərinə görə, İran, Oman, Türkmənistan və Özbəkistan arasında tranzit marşrutunu nəzərdə tutan “Aşqabad müqaviləsi”nin aktivləşdirilməsi ilə bağlı Tehran və Məsqat arasında ciddi müzakirələr aparılıb.
Yeganə
