Yaponiya ot qızdırması ilə mübarizə üçün yaxın 10 il ərzində əkilmiş sidr ağaclarını 20 faiz azaltmağı planlaşdırır.
Elchi.az xəbər verir ki, Yaponiya hökuməti sidr ağaclarının səbəb olduğu ot qızdırması ilə mübarizə və polen emissiyalarını azaltmaq siyasətini yeniləyib.
Kənd təsərrüfatı, meşə təsərrüfatı və balıqçılıq naziri Nomura Tetsuro Yaponiyanın Baş naziri Kişida Fumio ilə görüşüb.
Müvafiq olaraq, Yaponiya hökuməti ot qızdırması ilə mübarizədə hazırda hər il kəsilən 50 min hektar ərazini 70 min hektara çatdıracaq.
Qarşıdakı 10 ildə əkilən sidr ağaclarının sayını 20 faiz azaltmaqla, 30 il ərzində tozcuq emissiyalarını yarıya endirmək hədəflənəcək.
Gənc sidr ağacları daha az tozlayan növlərlə əvəz olunacaq. Soyuqdəymə əlamətlərini yüngülləşdirmək üçün immuniteti gücləndirən dərmanların illik istehsalı artırılacaq.
Yeni siyasətə uyğun olaraq, xüsusilə yaz aylarında burun axması və asqırma kimi simptomları tətikləyən polen allergenlərinin təsirinin azaldılması hədəflənir.
Baş nazir Kişida açıqlamasında, “Ot qızdırması effektiv şəkildə həll edilməmiş bir sosial problemdir. Gələcəyi nəzərə alaraq təcili tədbirlər görülməlidir” deyib.
Şayəstə Hüseynova
