İlham Əliyev bu yaxınlarda Laçın rayonunda olarkən münasibətlərin nizamlanması ilə bağlı yenidən Ermənistana siqnal göndərib. Birincisi, ən mühüm bəyanatlardan biri odur ki, Qarabağdakı bəzi “idarələr”, qondarma separatçı “hökumət” buraxılmalıdır. Bakı Qarabağ ermənilərinə sülh, danışıqlar üçün əlini uzatdı, lakin bu, təklifin sonsuz olmayacağını da bildirdi. Və əgər İrəvanda kimsə onları (separatçıları – red.) manipulyasiya etməyə cəhd etsə, o zaman onlar üçün yaxşı son olmayacaq.
Elchi.az xəbər verir ki, bunu rusiyalı politoloq Sergey Markov deyib.
“İkincisi, Əliyev xəbərdarlıq etdi ki, Azərbaycan güclü ölkədir, güclü regional mövqelərə və güclü orduya malikdir. Əgər Ermənistan sülh təşəbbüsləri ilə bağlı yalan danışmağa davam etsə, bunun yalnız bir nəticəsi olacaq – onsuz da Bakı özünə məxsus olanı özünə qaytaracaq. Paşinyan Azərbaycanla sülh müqaviləsi imzalayacağı təqdirdə ölkə daxilində ona ciddi təhlükələrin olacağına inanır. Ona görə də düşünürəm ki, Paşinyan yaxın gələcəkdə sülhə getməyəcək və vaxtı uzadacaq. Amma sonunda vəziyyət küncə sıxışsa, Ermənistan da xoşniyyətli sülh təklifini qəbul etmək istəməsə, o zaman Azərbaycanın sülhə məcbur etmək hüququ var”, – o bildirib.
