Şərqi Asiyada meydana gələn tropik Mavar tayfunundan təsirlənən Yaponiyada daşqın və sürüşmə xəbərdarlığı edilib.
Elchi.az xəbər verir ki, Yaponiya Meteorologiya Agentliyi (JMA) ölkənin cənub-qərb bölgəsini vuran tropik Mavar tayfunu ilə bağlı xəbərdarlıqlarını yeniləyib.
Sakit Okeandakı əyalətlər üçün daşqın və sürüşmə xəbərdarlığı edən JMA, Koçi də daxil olmaqla bəzi bölgələrdə müvəqqəti təxliyə çağırışı etdi.
Bildirilib ki, sürətini saatda 160 kilometrdən çox artırması qeydə alınan qasırğanın ölkənin qərbindəki Okinavaya doğru istiqamətlənəcəyi gözlənilir.
Şikoku və Kinki bölgələrində “həyat üçün təhlükə yaradan təbii fəlakətlər” barədə xəbərdarlıq edən agentlik, 9 metrlik dalğaların Okinava sahillərinə çata biləcəyini açıqlayıb.
Şayəstə Hüseynova
