Avropa Ədalət Məhkəməsi Polşanın 2019-cu ildə apardığı məhkəmə islahatları ilə Aİ qanunlarını pozduğuna qərar verib. Polşa 556 milyon avro məbləğində cərimələnib ki, bu da Aİ tarixində ən böyük məbləğdir.
Elchi.az xəbər verir ki, Avropa İttifaqının (Aİ) ən yüksək məhkəmə orqanı olan Avropa Ədalət Məhkəməsi (AƏM), Polşanın 2019-cu ildə həyata keçirilən məhkəmə islahatları ilə Aİ qanunlarını pozduğuna qərar verib.
AƏM -dən veilən açıqlamada , Polşanın Aİ Müqaviləsindən irəli gələn öhdəliklərini yerinə yetirmədiyi, Ali Məhkəmə Sisteminin tərkibində yaradılmış hakimlərin toxunulmazlığını ləğv etmək hüququna malik olan İntizam Şurasının qərəzsizlik və müstəqillik şərtini yerinə yetirmədiyi bildirilib.
Qərarından şikayət verilə bilməyən Polşa Avropa Komissiyasının müəyyən etdiyi müddət ərzində Avropa Məhkəməsinin qərarını yerinə yetirməlidir.
Nuranə Məmmədova
