Çeçen din xadimlərinin təşəbbüsü ilə bu gün səhərdən Şimali Qafqazın hər yerindən Qroznıya gələn minlərlə müsəlman İslam dəyərlərini müdafiə etmək üçün “Məhəmmədə məhəbbət” aksiyasına qoşulub.
Aksiya “Rossiya 24” telekanalı və “Vesti.ru” saytı vasitəsi ilə canlı yayımlanır.
Aktual.az həmin mənbələrə istinadən bildirir ki, aksiya Fransanın “Charle Hebdo” jurnalının Məhəmməd peyğəmbərin karikaturasını çəkməyinə etiraz əlaməti olaraq keçirilir.
Bundan əvvəl jurnalı müdafiə edənləri özünün düşməni elan edən Çeçenistan rəhbəri Ramzan Kadırov sosial şəbəkələrdə dindaşlarına müraciət edib: “Mən sülh, əmin-amanlıq, dini duyğular və inanclar kimə əzizdirsə, onların hamısını dinlər və xalqlar arasında qarşıdurma yaradanlara layiqli cavab verməyə çağırıram”.
Səhərdən başlanan aksiyada iştirak edənlərin sayının 1 milyona çatacağı gözlənilir.
Mövzu ilə bağlı videomaterialı təqdim edirik:
