“Səudiyyə Ərəbistanının vəliəhd şahzadəsi Məhəmməd bin Salman Əl Səud ABŞ-ı ciddi iqtisadi nəticələrlə hədələyib, çünki Birləşmiş Ştatlar Ər-Riyadı neft hasilatını azaltmaq qərarına görə cəzalandırmağı planlaşdırırdı”.
Elchi.az News.am-a istinadən xəbər verir ki, bu barədə “The Washington Post”qəzetində yazılıb.
Qəzet xatırladıb ki, ötən ilin oktyabrında Amerika prezidenti Co Bayden ABŞ-da yüksək enerji qiymətləri və aralıq seçkilər fonunda OPEC+-un neft hasilatını azaltmaq qərarını irəli sürdüyünə görə Səudiyyə Ərəbistanının bəzi nəticələrlə üzləşəcəyi barədə xəbərdarlıq edib. Ər-Riyad diplomatik bəyanatların köməyi ilə öz hərəkətlərini ictimaiyyət qarşısında müdafiə etsə də, vəliəhd şahzadə həqiqətən belə tədbirlər görsə, Amerika-Səudiyyə münasibətlərini kökündən dəyişdirəcəyi və ABŞ-a əhəmiyyətli iqtisadi ziyan vuracağı ilə hədələyib.
Qəzetin ABŞ Milli Təhlükəsizlik Şurasındakı mənbəsi Səudiyyə Ərəbistanından gələn bu təhdidlər barədə heç nə bilmədiyini bildirib.
Qəzetin həmsöhbətinin sözlərinə görə, Vaşinqton Ər-Riyadla əməkdaşlığı davam etdirir və onu Yaxın Şərqdə qarşılıqlı maraqların təşviqində mühüm tərəfdaş hesab edir.
Yeganə
