Rusiya Çinin Şimal təlimlərində iştirak edəcək. Elchi.az xəbər verir ki, bu barədə Rusiya Silahlı Qüvvələrinin Baş Qərargah rəisi Valeri Gerasimov və Mərkəzi Hərbi Şuranın Birləşmiş Qərargahının rəhbəri Lyu Çjenli arasında telefon danışığı zamanı razılıq əldə olunub. Bu barədə məlumat Çin Xalq Respublikasının Müdafiə Nazirliyinin rəsmi saytında dərc olunub.
Moskva və Pekin iki ölkə arasında əməkdaşlığın dərinləşdirilməsini müzakirə edib, həmçinin Rusiyanın təlimlərdə iştiraka dəvət ediləcəyini təsdiqləyib.
Bundan əvvəl Rusiya Müdafiə Nazirliyi hərbi idarələrin nümayəndələri arasında aparılan danışıqlar barədə məlumat vermişdi. Gerasimovun ölkələr arasında hərbi əməkdaşlığın daha da genişlənəcəyinə ümid etdiyi qeyd edilir.
Havar Şəfiyeva
