Pentaqon Ukraynaya çoxlu sayda hava hücumundan müdafiə sursatlarının daxil olacağı yeni hərbi yardım paketi ayıracaq. Elchi.az xəbər verir ki, bu barədə Bloomberg yazır.
Nəşr ABŞ-ın Kiyevə iki milyard dollardan çox dəyərində silah göndərəcəyinə aydınlıq gətirib. Ukrayna Təhlükəsizliyə Yardım Təşəbbüsü çərçivəsində ayrılan vəsaitlər Patriot yer-hava raket sistemləri üçün buraxılış qurğuları və “Hawk” raketlərinin və təkmilləşdirilmiş raketlərin alınmasına sərf olunacaq.
Bloomberg əlavə edib ki, bunlar Lockheed Martin tərəfindən istehsal olunan Patriot Advanced “Capability-3” zenit idarəolunan raketlər və “Raytheon Technologies” tərəfindən istehsal olunan təkmil idarə olunan GEM-T raketləridir.
Qeyd edək ki, iyunun 1-də ABŞ Ukraynaya güclü NATO dəstək paketi elan edib. Bu barədə ABŞ-ın dövlət katibi Entoni Blinken alyans ölkələrinin xarici işlər nazirlərinin görüşündən sonra keçirilən mətbuat konfransında bildirib.
Havar Şəfiyeva
