İngiltərənin keçmiş Baş naziri Boris Conson, Kovid-19 epidemiyası zamanı Baş nazirlikdə 10 nömrədə keçirilən partiyalarla bağlı hesabat dərc edilməzdən əvvəl parlamentdəki vəzifəsindən istefa verib.
Elchi.az xəbər verir ki, Conson, İmtiyazlar Komitəsinin Britaniya parlamentini partiyalar haqqında “qəsdən və ya məsuliyyətsiz şəkildə” yanlış məlumatlandırması ilə bağlı araşdırma hesabatının yayımlanmasından əvvəl “dərhal” istefasını elan edib.
Hesabat hələ açıqlanmayıb, lakin Consonun hesabatın bir nüsxəsini aldığı məlumdur.
Keçmiş baş nazir Conson istefa məktubunda hakim Mühafizəkarlar Partiyasının üzvü kimi təmsil etdiyi “Uxbridge” və Cənubi Ruislip seçki dairəsindən istefa verdiyini açıqlayıb.
“İmtiyazlar Komitəsindən aldığım məktubda məni parlamentdən çıxarmaq üçün mənə qarşı işlərdən istifadə etməkdə qərarlı olduqlarını açıq şəkildə bildirdilər”,-deyə Conson məktubunda yazıb.
Dairəni tərk etdiyinə görə çox təəssüfləndiyini bildirən Conson həm bələdiyyə sədri, həm də parlament üzvü kimi öz dairəsinə xidmət etməyin onun üçün böyük şərəf olduğunu qeyd edib.
Conson iddia etdi ki, komitə “hələ də mənim parlamenti qəsdən və ya məsuliyyətsiz şəkildə çaşdırdığıma dair ən kiçik dəlil təqdim etməyib”.
Digər tərəfdən, Boris Conson əvvəldən iddia edirdi ki, komitənin məqsədi faktlardan asılı olmayaraq onu günahkar tapmaqdır.
Nuranə Məmmədova
