Yaponiyanın ən şimal bölgəsi olan Hokkaydo sahillərində 6,2 bal gücündə zəlzələ baş verib.
Elchi.az xəbər verir ki, Yaponiya Meteorologiya Agentliyinin (JMA) məlumatına görə, Hokkaydo adasının Urakava sahillərində 6,2 bal gücündə zəlzələ baş verib.
Yerli vaxtla saat 18:55-də və 140 kilometr dərinlikdə baş verən zəlzələdən sonra bölgədə “nəhəng dalğa” xəbərdarlığı olmayıb.
Zəlzələ bütün Hokkaydo və Aomori, İvate və Miyaqi əyalətlərində hiss olunub.
Hokkaydo Elektrik Enerjisi (HEPCO) əyalətdəki Tomari Atom Elektrik Stansiyasında heç bir anomaliya olmadığını bildirib.
Nuranə Məmmədova
