14 yaşlı pişik San-Fransisko hava limanında heyvan terapiyası qrupuna qoşulub.
Elchi.az News.am-a istinadən bildirir ki, “Duke Ellington Morris” adlı ağ-qara pişik hava limanının ziyarətçilərinə uçuşla bağlı stressi aradan qaldırmağa kömək edəcək.
“Duke” “Lilu” adlı donuz və “Böyük Aleks” adlı bir dovşanın artıq işlədiyi hava limanının terapevtik qrupunda pişik ailəsinin ilk nümayəndəsi olub.
14 yaşlı pişik bir dəfə evsiz idi və xilasedicilər onu San-Fransisko küçəsində ac vəziyyətdə tapıb və heyvan sığınacağına göndəriblər. 5 yaşlı qız onu orada görüb və valideynlərini pişiyi evə aparmağa razı salıb. Heyvan caz musiqiçisi “Dyuk Ellinqton”un adını daşıyır. Yeni sahiblər pişiyin sakit və mehriban təbiətinə heyran olub və onu heyvan terapevti kimi təsdiqləyiblər. On il ərzində “Duke” heyvan terapevti kimi çalışıb, çətin anlarda onlara təsəlli vermək üçün şəhər xəstəxanalarında xəstələrə baş çəkib.
Yeganə
