Almaniyanın Bavariya bölgəsindəki arxeoloqlar qazıntılar zamanı Tunc dövrünə aid yaxşı qorunmuş 3 min illik tunc qılınc tapdıqlarını açıqlayıblar.
Elchi.az DHA-ya istinadən xəbər verir ki, Bavariya Ştat Hökumətinin Abidələrin Mühafizəsi agentliyi iyunun 14-də elan edib ki, arxeoloqlar “Donau-Ries” qraflığında aparılan qazıntılar zamanı məzarda yaxşı qorunmuş Tunc dövrünə aid qılınc tapıblar. Bəyanatda aşağıdakı ifadələr yer alıb:
“3000 ildən çox yaşı olan və demək olar ki, parıldayan qeyri-adi dərəcədə yaxşı qorunmuş tunc qılınc. Qılınc tam saplı tunc qılınclar ailəsinə aiddir, səkkizguşəli sapı tamamilə tuncdan hazırlanmışdır”.
Səlahiyyətlilər, qılıncın ilk təriflərinə görə M.Ö. XIV əsrə (Tunc dövrünə) aid olduğunu bildirərək, bu dövrə aid qılınc tapıntılarının son dərəcə nadir olduğunu vurğulayıblar. Tapıntı “qeyri-adi” kimi qiymətləndirilib və arxeoloqlar qəbirdə qılıncla yanaşı, digər tunc əşyaların da tapıldığını bildiriblər.
Nuranə Məmmədova
