Uzun illər “Barmek”, “Bakıelektrikşəbəkə” və “Azərişıq” ASC-də mətbuat xidmətinin rəhbəri olmuş Tanrıverdi Mustafayevə yeni vəzifə verilib.
Elchi.az Globalinfo.az-a istinadən xəbər verir ki, onun Penitensiar Xidmətin mətbuat katibi təyin edilməsinə dair məlumat yayılıb.
Qeyd edək ki, T.Mustafayev sonuncu dəfə “Azərişıq” ASC-də sədrin müşaviri vəzifəsini icra edib. Bir ildən çoxdur ki, həmin vəzifədən ayrılsa da, bununla bağlı ictimaiyyətdə heç bir məlumat yox idi.
Xatırladaq ki, T.Mustafayevin yeni təyin olunduğu Penitensiar Xidmətin mətbuat katibi vəzifəsini mərhum Mehman Sadıqov icra edirdi.
Xəbəri Tanrıverdi Mustafayevlə dəqiqləşdirə bilmədik. Əlaqə saxlamağa çalışsaq da, zənglərimiz cavabsız qaldı.
