Yanvarın 22-də baş tutacaq müzakirələr açıq şəkildə aparılacaq
Gümrüdə baş vermiş hadisələrlə bağlı Ermənistan parlamentində geniş şəkildə müzakirə aparılacaq və dinləmələr keçirəcək.
ANS PRESS-in məlumatına görə, bu barədə parlamentin dövlət və hüquq məsələləri daimi komissiyasının sədri Ovannes Saakyan bildirib.
O deyib ki, dinləmələr yanvarın 22-də saat 12:00-ə təyin edilib. Ermənistan baş prokurorunun təklifinə əsasən müzakirələr qapalı deyil, açıq şəkildə aparılacaq. Çünki xalq hər şeyi açıq-aydın bilməlidir.
Xatırladaq ki, yanvarın 12-də Gümrüdə Avetisyan ailəsinin altı üzvü Rusiyanın Ermənistandakı 102-ci hərbi bazasının hərbçisi Valeri Permyakovun tərəfindən güllələnərək öldürülüb. Bununla əlaqədar yanvarın 15-də Gümrüdə və İrəvanda kütləvi etiraz aksiyası keçirilib, polislə aksiya iştirakçıları arasında toqquşma qeydə alınıb, 60-a yaxın insan həbs olunub.
ANS PRESS
