İyunun 16-dan Braziliyanın cənubunda təsirli olan qasırğada həyatını itirənlərin sayının 16-ya yüksəldiyi bildirilib.
Elchi.az xəbər verir ki, Rio Qrande-do-Sol əyalətinin qubernatoru “Eduardo Leite” verdiyi açıqlamada şiddətli qasırğanın 16 nəfərin həyatını itirdiyini və itkin düşənlərin axtarışlarının fasiləsiz olaraq davam etdiyini bildirib.
Qasırğanın sel və torpaq sürüşməsinə səbəb olduğunu bildirən Leite indiyə qədər 3200 adamın evsiz qaldığını, minlərlə insanın təxliyə edildiyini bildirib.
Əlverişsiz hava şəraiti səbəbindən axtarış-xilasetmə işlərinin çətinləşdiyi şəhərlərdə hər yer su altındadır.
Səlahiyyətlilər təxliyə edilən ailələrə əsas ərzaq paketlərinin paylandığını və yardımların davam etdiriləcəyini açıqlayıb.
Sel və sürüşmə səbəbindən bəzi reyslər təxirə salınıb, magistral yollar və küçələr nəqliyyatın hərəkəti üçün bağlanıb.
Argentina və Uruqvay da dağıntılara səbəb olan qasırğaya görə tədbirləri artırmaq qərarına gəliblər.
Nuranə Məmmədova
