Lionel Messinin transferi ilə böyük təsir bağışlayan Amerika Futbol Liqasının komandalarından olan “İnter Mayami”, argentinalı ulduzun “Barselona”dan komanda yoldaşı “Sergio Busquets”i də heyətinə qatdığını açıqlayıb.
Elchi.az xəbər verir ki, Barselonadakı 18 illik karyerasına son qoyan “Serxio Buskets” Səudiyyə klublarından gələn astronomik təklifləri rədd etdi və “Barselona”dakı komanda yoldaşı Lionel Messinin oynayacağı “MLS” komandalarından biri olan “İnter Mayami”yə transfer oldu .
35 yaşlı ispan yarımmüdafiəçi “Barselona”da karyerası ərzində 722 oyuna çıxıb, 18 qol vurub və 45 məhsuldar ötürmə edib.
Klub karyerasında 9 İspaniya La Liqası, 3 UEFA Çempionlar Liqası, 2 UEFA Super Kuboku, 3 FİFA Klublararası Dünya Kuboku titulunu qazanan Buskets İspaniya Milli Komandası ilə Avropa və Dünya Kuboku çempionu olub.
Nuranə Məmmədova
