İyunun 25-26-da Xüsusi Riskli Xilasetmə Xidmətinin bir qrup hərbi qulluqçusu 26 İyun – Silahlı Qüvvələr Günü münasibətilə təşkil edilən “Zəfər Azərbaycanındır!” adlı ekspedisiyanın tərkibində “Zəfər” zirvəsinə yürüş ediblər.
Bu barədə Elchi.az-a FHN-in Mətbuat xidmətindən məlumat verilib.
Qeyd olunub ki, dəniz səviyyəsindən 4301 metr yüksəklikdə Böyük Qafqaz sıra dağlarının Bazardüzü massivində yerləşən “Zəfər” zirvəsinə qalxan əməkdaşlar, burada Azərbaycanın Dövlət Bayrağı ilə bərabər Fövqəladə Hallar Nazirliyinin rəmzi olan bayrağı zirvədə dalğalandıraraq Vətən müharibəsində həlak olmuş şəhidlərimizin əziz xatirəsini bir dəqiqəlik sükutla yad ediblər.
