Dünyada neftə tələbat 2045-ci ilə qədər arta bilər. Belə ki, gündəlik 110 milyon barrelə çatacaq və bu müddət ərzində enerjiyə ümumi tələbat 23 faiz artacaq.
Elchi.az Cnbc.com-a istinadən xəbər verir ki, bu barədə OPEK-in baş katibi Haysam əl-Qays məlumat verib.
“Neft yaxın gələcəkdə əvəzolunmazdır. Bizim proqnozumuza görə, 2045-ci ilə qədər neftə qlobal tələbatın artacağını görürük”, – deyə hesabatda qeyd edilib.
Hesabata görə, 2045-ci ilə qədər neftin qlobal enerji balansında payı 29 faiz səviyyəsində olacaq. Bundan əlavə, neft-qaz sənayesinin maliyyə çatışmazlığı enerji sistemlərinin təhlükəsizliyini təhdid edə və qlobal enerji xaosuna səbəb ola bilər.
Yeganə
