Elchi.az xəbər verir ki, Keniyanın qərbindəki Londiani şəhərində yük maşınının yoldan çıxaraq bir neçə avtomobilə çırpılması nəticəsində 48 nəfər həlak olub.
Keniyanın Londiani şəhərində yük maşını yoldan çıxıb. İdarəetməni itirən yük maşını sürücüsü magistral yolda bir çox avtomobilə çırpılıb. Baş verən zəncirvari qəza nəticəsində 48 nəfər həyatını itirib. Motosiklet və mikroavtobus da daxil olmaqla 6-dan çox avtomobilə ciddi ziyan dəyib. Hadisə yerinə çoxlu sayda tibbi qruplar göndərilsə də, ölənlərin sayının artacağından qorxurlar. Keniya Qırmızı Xaç Cəmiyyəti zəncirvari qəzada piyadaların əzildiyini və 20-dən çox yaralının xəstəxanalara aparıldığını bildirib.
Nuranə Məmmədova
