Əfqanıstanda qadınlar üçün gözəllik salonlarının fəaliyyəti qadağan edilib. Səbəb olaraq isə bildirilib ki, gözləllik salonları İslamın qadağan etdiyi xidmətlər təklif edir və toy mərasimləri zamanı bəy ailələri üçün iqtisadi çətinliklər yaradırdılar.
Elchi.az Reuters.com-a istinadən bildirir ki, bu barədə ölkəni idarə edən “Taliban” məlumat yayıb.
Cümə axşamı yayımlanan videoda Əfqanıstanın Fəzilət və Əxlaq Nazirliyinin mətbuat katibi Sadiq Akif Mahjer gözəllik salonlarının İslama zidd olduğunu söylədiyi xidmətləri sadalayıb.
Onun sözlərinə görə, bunlar arasında qaşların korreksiyası, qadınların saç düzümü üçün başqalarının saçından istifadə edilməsi və namazdan əvvəl yuyulmağa mane olan makiyajın istifadəsi var.
Bundan başqa, salonların bəy ailələri üçün iqtisadi gərginlik yaratdığını, adət üzrə gəlinin və onun qohumlarının toydan əvvəl salona getməsinin pulunu ödəməli olduğu bildirilib.
Yeganə
