Türkiyə və Ukrayna arasında strateji sənayelər sahəsində qarşılıqlı əməkdaşlıq yolu ilə avtonom sistemlər, mühərrik Ar-Ge, istehsal və texniki xidmət fəaliyyətləri, xüsusilə də İnsansız Uçuş Aparatları sahəsində ortaq layihələrə dəstək vermək məqsədilə müqavilə imzalanıb.
Elchi.az Anadolu Agentliyinə istinadən xəbər verir ki, Prezident Rəcəb Tayyib Ərdoğan və Ukrayna Prezidenti Vladimir Zelenskinin iştirakı ilə iki ölkə arasında “Strateji sənayelər sahəsində əməkdaşlıq” haqqında anlaşma memorandumunu özündə əks etdirən protokolun imzalanması mərasimi görüşdən sonra Vahdettin Köşkündə keçirilib.
Protokolu sənaye və texnologiya naziri Mehmet Fatih Kaçır və Ukraynanın strateji sənaye naziri Aleksandr Kamışin imzalayıb.
Nuranə Məmmədova
