Varşava Rusiyadakı səfirini tərk etmək niyyətindədir. Elchi.az xəbər verir ki, bu barədə “RMF FM”in efirində Polşa Prezident Aparatının Beynəlxalq Siyasət Bürosunun rəhbəri Marçin Pşidaç bildirib.
Polşa səfiri Kşiştof Krayevskinin Moskvadan geri çağırılmalı olub-olmaması ilə bağlı sualı cavablandıran Pşidaç qeyd edib ki, Varşavanın indiki mərhələdə belə planları yoxdur. Polşanın isə Smolenskdəki konsulluğunun bağlanmasından sonra cavab addımları atmaq hüququnu özündə saxladığını vurğuladı.
“Xarici İşlər Nazirliyi Rusiyanın konsulluq agentliyini bağlamaq qərarını elan etdikdən sonra müvafiq açıqlama verib. Polşa tərəfi bu cür tədbirləri tətbiq etmək imkanını özündə saxlayır”.
Pşidaçın sözlərinə görə, Moskvada başqa ölkələrin səfirləri olduğu halda Polşa öz səfirini geri çağırmaq istəmir. “Ya biz hamımız Avropa Birliyi olaraq oradayıq, ya da gələcəkdə birlikdə xidmət edəcəyik” deyən o, vəziyyətin hər an dəyişə biləcəyini əlavə edib.
Xatırladaq ki, bundan əvvəl Moskva Polşa Respublikasının Smolenskdəki konsulluq agentliyini bağlamaq qərarına gəlib. Belə bir addım Varşavanın düşmənçilik və anti-Rusiya siyasətinə cavab idi.
Havar Şəfiyeva
